Ísland....

best í Evrópu? Well það kemur í ljós á næstu dögum. Í fullkominni afslöppun í vaktafríi kom ég mér vel fyrir fyrir framan flatskjáinn. Í hálfleik var ég búin að koma mér of vel fyrir og steinsofnaði. Hvernig er það hægt! Ég er samt voða stollt af strákunum okkar.

Ég ætlaði að vera löngu búin að svara grein Ómars Kópavogsvallarstjóra sem hann skrifaði 27. nóv 2005. Greinin er hér.

Greinin er svar við grein sem birtist í málgagni Samfylkingarinnar. Greinin fjallar um strippstaði í RVK og KÓP. Fyrir einhverjum árum var einkadans bannaður í RVK. Það er gott framtak RVKborgar því ein mesta tekjulind strippstaða er einkadans. Í Kópavogi er einkadans ekki bannaður. Í einkadansi þar sem viðskiptavinurinn og dansarinn eru einir inn í lokuðu herbergi veit enginn hvað fer fram. Dæmi eru um það að í þessuðu lokað rými fari fram kaup á vændi. Þegar strippararnir dansa í salnum má ekki snerta þær. Ég alveg ímyndað mér að í þessu lokaða rými snerti viðskiptavinirnir stripparann. Ómar bendir á að í RVK séu tvöfalt fleiri strippstaðir en í KÓP. Það er staðreynd. Ef ég mundi flytja einu sinni inn dóp og væri tekin af lögreglunni þá er ég alveg jafn sek um innfluttning á dópi og sá sem hefur gert það tvisvar. Ómar notar einnig staðsetningu staðanna í RVK sem rök.
Það skiptir ekki máli hvar staðirnir eru, það er alveg sama starfsemi sem er í gangi þarna. Ég er ekki stolt af því að hafa strippstað í Kópavogi þó að hann sé í miðju iðnaðarhverfi. Það vill oft vera þannig að fólk gleymir að hugsa um fórnarlömbin, þ.e. stripparana. Margir segja að þær fari í þetta af fúsum og frjálsum vilja.

OK, setjum okkur það að ég sé frá Litháen og ætli til Íslands til að strippa og safna mér pening fyrir háskólanámi. Ég fæ mér umboðsmann í Litháen og hann reddar mér vinnu á strippstað í Kópavogi. Eigandi stippstaðarins sér um að borga fyrir mig flugfarið, reddar mér leiguíbúð og atvinnuleyfi. Þegar ég kem til landsins er ég sótt og vegabréfið tekið af mér. Ég er keyrð í íbúðina sem er 4ja herbergja og á ég að deila henni ásamt 6 öðrum stelpum sem strippa á staðnum í KÓP. Ég borga 40.000 kr. í leigu á mánuði, það gefur vinnuveitanda mínum 280.000 kr á mánuði og þ.a.l. meira en 100.000 kr. í gróða á mánuði. Ég þarf að kaupa mér fötin mín og meikuppið sjálf fyrir vinnuna. Ég fæ hlutfall af drykkjum sem ég sel. Eftir 2-4 vikur í vinnunni líður mér illa og finnst ég niðurlægð. Ég vil fara heim aftur. Ég get ekki farið heim því vegabréfið var tekið af mér við komuna til landsins og ég skulda vinnuveitenda mínum fyrir flugfargjaldinu. Mánaðarlaunin mín eru 100.000 kr. á mánuði. Þar af fara 20.000 kr. til vinnuveitenda míns, sem segir að flugmiðinn hafi verið svo dýr. Ég þarf líka að borga umboðsmanni mínum í Litháen. Ég þarf að borga 40.000 kr. í leigu og kaupa mér vinnuföt og mat. Ég sendi eins mikið og ég get til foreldra minna í Litháen og svo þarf ég að spara fyrir háskólanáminu. Hvað á ég þá mikið eftir? Ég á minna en 0 kr.! Hvað gerir maður þá? Maður hefur fengið tilboð um að þjóna vissum viðskiptarvinum betur og 5000 kallarnir fljóta fyrir framan mig. Ég byrja í vændi því mig vantar pening. Niðurlægingin er svo mikil að ég byrja að drekka mikið og dópa. Ef ég mæti dópuð eða drukkin í vinnuna dregur vinnuveitandi minn af laununum mínum. Þegar ég sel mig er mér nauðgað og fötin mín rifin. Ég er komin í algjöran vítahring...og ég er ekki sú eina í þessari stöðu. Þessi staða er ekki uppspuni heldur sannleikurinn og hafa margar konur leitað til Stígamóta í þessari stöðu.

Ómar ég spyr þig, viltu að svona bissness þrífist í þínu bæjarfélagi?

Draumar

Ég held að lítill svefn og mikið stress að undanförnu skili sér í hinum undarlegustu draumum. Í draumunum er alltaf fólk sem ég þekki vel. Að undanförnu hefur mig dreymt að ég hafi brotist inn til Ara Tómas og soðið pasta. Þegar ég varð vör við mammaferðir læddist ég út og skildi pasað eftir í pottinum. Eva var mjög fyrirferðamikil í einum draumi. Hún var með einhverri undarlegri konu í ofsatrú á einhverju og var að reyna að fá mig til að trúa á eitthvað rugl. Prikið var svo allt fullt af beddum. Mig vantaði gististað og ákvað því að leigja mér bedda. Til að geta leigt bedda þurfti maður að kaupa ís. Í ísbúðinni vann Habbý og lét mig fá bragðaref. Habbý heimtaði að ég fengi jarðaber og súkkulaðisósu í bragðarefinn. Mér finnst ekki gott að hafa jarðaber í bragðaref. En ég þorði ekki annað en að hlýða. Samkvæmt draumum mínum þá er það misskilningur að 11. september 2001 hafi verið ráðist á Bandaríkin. Í rauninni lenti risastór blýsprengjukúla á breiðholtið, nákvæmlega á brekkuna hjá hólunum. Ég var á fullu að bjarga heiminum þennan dag.

Sjónvarpsþáttagagnrýni

Ég hef ákveðið að skrifa gagnrýni á sjónvarpsþætti. Það er sko engin miskun í minni gagnrýni.

Einkunnargjöfin er eftirfarandi:
J = yfirburða lélegur þáttur, öll vinnsla léleg, ætti ekki að sjást í sjónvarpi
Ja = mjög lélegur þáttur, lítill hluti vinnslunnar í lagi
Jac = lélegur þáttur, um helmingur vinnslunnar ekki í lagi
Jack = ágætisþáttur, ýmislegt sem mætti gera betur
Jacki = góður þáttur, nokkur atriði sem mætti gera betur
Jackie = fullkominn þáttur, engir gallar hvorki í tæknivinnslu né efni þáttarins

Fyrsti þátturinn sem ég ætla að taka fyrir er þátturinn Splash sem er sýndur á Sirkus. Fyrsti þátturinn var í vikunni.

Tæknileg vinnsla: Mjög léleg. Þátturinn er verri en heimavideo. Það eru örugglega um 10.000 fjölskyldur sem tóku betra video á aðfangadagskvöld af börnunum að taka upp pakkana. Myndirnar eru dökkar, t.d. í piparjóknu vikunnar. Varla sést í andlit stelpunnar en bakgrunnurinn er ljós. Hljóðið er mjög svo lélegt.

Atriðin í þættinum: Kynningar þáttarstjórnenda er í lakari kanntinum. Eintóm þvæla og bull sem koma þar fram. Fyrsta atriðið er að þáttastjórendurnir slá hvor annan með borðtennisspaða. Ófrumleg hugmynd, eftirlíking af innslögum Strákanna og Jackass. Hin innslögin í þættinum voru:
- ,,Piparjónka vikurnnar". Piparjónka vikunnar í þessum fyrsta þætti var 18 ára stelpa. 18 ára stelpa er ekki piparjónka!
- Partýmyndband frá Splash partýi sem var haldið í Keflavík. Þegar ég sá þetta innslag missti ég allt álit á þættinum. Þarna voru stelpur klæddar í föt sem aðeins sjást í klámmyndum og á strippbúllum. Þær dönsuðu eftir því. Í takt við þessar stelpur voru stelpur sem sýndu á sér brjóstin.
- Innslag um hjálpartæki ástarlífsins og undirföt. Tíbískt innslag fyrir þennan þátt.
- Annað innslag í anda Strákanna og Jackass. Annar þáttarstjórnandinn beið eftir hinum stjórnandanum. Þegar sá síðarnefndi kom heim úr vinnunni sprautaði sá fyrrnefndi úr slökkvitæki á þann síðarnefnda. Þvílíkt rugl. Ég næstum vona að það hafi kveiknað í þar sem hann tók þetta slökkvitæki.
- Hljómsveit vikunnar. Besta innslag þáttarins en var eyðilagt með mjög svo slakri tæknivinnu. Hljómsveit vikunnar er í samstarfi við rokk.is.

Í heildina litið: Mjög svo lélegur þáttur. Ætti ekki að sjást í sjónvarpi. Kvenfyrirlitning er í hámarki. Ég þarf ekki einu sinni að rökstyðja það, horfið bara á þáttinn. Innslögin eru mjög svo ófrumleg. Tæknileg vinnsla er mjög slök. Greinilegt að umsjónarmenn þáttarins hafa fengið eina kameru í hendurnar og eitt ljós og þeim sagt að gera sjónvarpsþátt. Svona vinnsla ekki ekki að sjást í sjónvarpi. Þetta gerir áhorfandan samduna lélegri vinnslu.

Einkunn: J

2-1

Í dag á mín elskulega móðir afmæli. Í tilefni þess hljóp hún 10 km í Poweradehlaupinu. Mamma mín er fittari en ég!!!! Það þýðir ekkert annað en að dröslast út að hlaupa.

Annað gleðilegt sem gerðist í dag er að ég keypti mér bíl! Ármann er besti bílasali á landinu. Ég mun því pæjast á rauða polonum mínum næstu ár.

Það leiðinlega sem gerðist í dag var að mér gekk illa í vinnunni. Ég þoli ekki þegar mér gengur illa.

Staðan í dag er því 2-1 fyrir skemmtilegum hlutum. Við sjáum hvernig föstudagurinn 13. verður!


Mig vantar gott nafn á bílinn minn? Verðlaun í boði.

Kvöldstund með mér!

Hver þorir að koma með mér á Hostel. Það þarf að vera einhver sem má klípa í höndina á. Treilerinn er hér!

Annars er ekki mikið að frétta. Áramótin voru mjööööög skemmtileg. Fjölskylduboðið daginn eftir var ekki eins skemmtilegt, þ.e. heilsulega séð. Eva er búin að setja inn myndir sem hún tók.

Tarantiono bíóið var geðveikt. Ég skemmti mér alveg konunglega. Ég á eftir að lifa á þessari 6 tíma bíósýningu fram á haust.

Ég er búin að finna mér bíl. Vona að Ármann sé ekki búin að selja hann.

Ég er farin í hádegismat, namminamm!