10.000 gesturinn kom fyrr en ég átti von á. Þessi góði gestur var engin önnur en Kristín Tómasdóttir og óskar Jackie henni innilega til hamingju. Hún fær eitthvað sniðugt næst þegar ég hitti hana.

Það er von á 10.000 gestinum á næstu dögum (teljarinn er neðst á síðunni).
Takið print-screen af síðunni og sendið mér ef þið eruð svo heppin að vera nr. 10.000!

Ég er löngu búin að sætta mig við mína eigin leti

Í dag er ég ekki eins löt og í gær. Enda svaf ég í 16 klukkustundir í gær. Eftir að hafa farið hinn vanalega blogghring eftir kvöldmat lagðist ég upp í rúm og svaf til hádegis í dag. Ég fór í ökutíma í dag og fer í annan á morgun. Ég tek svo prófið á fimmtudaginn. Það kemur sér vel þar sem ég á vakt á laugardaginn og aldrei að vita nema ég keyri hann í einhverja beina útsendingu þá.

Kosningavakan s.l. laugardag var maraþon. Mætti kl. 14 í vinnuna þar sem það var prufurennsli á fyrstu tímum kosningasjónvarpsins. Á þessari æfingu lék ég m.a. gamalmenni í einu viðtali. Klukkan 19 byrjaði ballið. Við sendum beint um allan bæ og það var sko brunað á milli staða. Eftir því sem leið á nóttina varð maður þreyttari og þreyttari og fólk á kosningavökum fyllra. Þannig að eftir því sem leið á nóttina komu alltaf fleiri og fleiri að tala við mann. Ég stimplaði mig svo út klukkan fjögur um nóttina alveg dauð. En þetta var svaka gaman enda vann ég alveg með eðal fólki. Ég vona ég að ég fái að gera þetta aftur.

Núna er maður byrjaður að pæla í útilegum. Maður á allavegana eftir að fara í eina á Borgarfjörð eystri.

Eftir að hafa unnið 14 klukkutíma í gær er ekki mikil orka eftir til að gera neitt sem helst. Þess vegna nenni ég ekki að blogga í dag en það kemur eitt gott á morgun.

Á morgun segir sá lati og það er ég í dag.

24

Ég ætla ekki að blogga um þættina 24. Ég horfi aldrei á þá og það sem ég hef séð af honum Jack Báer (heitir gaurinn það ekki annars?) fíla ég ekki.

Það var nefninlega þennan góða dag, 24. maí, sem ég, örverpi og dekurrófa fjölskyldunnar, kom í heiminn. Það var að sögn systkinna minna ógeðslega heitt og sól í Randers på det mørke Jylland. Það er eins gott að það verði ekki jafn mikill skíta kuldi í dag og var í gær. Ég á það ekki skilið. Í tilefni dagsins verð ég að vinna til kl. 23. En eftir það er stefnan tekin á hanastél á bar í 101.

Ég var að setja inn myndir frá afmælis- og evróvisionpartýinu mínu. Í leiðinni vil ég þakka gestunum mínum fyrir frábært kvöld og Páli Óskari fyrir gott Evróvisionpartý á NASA þar sem röddin mín varð eftir. Hún virðist hafa ratað heim seint í gærkvöldi.

Njótið dagsins!

Rúst

Þá er skriflega ökuprófið búið og ég get ekki sagt annað en ég hafi rústað því. Fékk fjórar villur skv. svarblaðinu en út af því að ég er svo klár þá fann ég villu á svarblaðinu og fékk því aðeins þrjár villur. Spurningin var eitthvað á þá leið að ef maður kemur að umferðarslysi og ökumaður er meðvitundarlaus hvað á maður á að gera? Vitlausa svarið var að taka ökumanninn út úr bílnum. Það á maður alls ekki að gera! Muna það! Ekki taka þá slösuðu út úr bílnum fyrr en pró aðstoð berst og ekki nema það sé að kvikna í bílnum. Annars lærði ég heilan helling á þessu skyndihjálparnámskeiði sem fylgir því að taka þetta bílpróf mitt. Ég sat samt máttlaus í höndunum og með klígju mest allan tíman. Mér finnst nefnilega ekki gaman að sjá blóð, opið beinbrot o.þ.h. Ekki hafa samt áhyggjur ef ég þyrfti einhvertímann að bjarga ykkur því fróðir menn segja að maður útiloki svona hræðslu þegar maður þarf á því að halda. Sjokkið kemur eftir á.

Ég ætla að taka til í litlu fatahrúgukompunni minni.
Næsta blogfærsla mun ekki fjalla um ökuskóla eða ökupróf!

Mér gengur ekkert að lesa í þessum blessuðu bókum fyir þetta blessaða ökupróf. Ég er komin með overdós!

Hverjir eru geim mánudaginn 15. maí kl. 20 á Breiðablik-Val á mínum yndislega Kópavogsvelli?

Á miðvikudaginn fer ég í krossapróf í ökuskólanum. Ég þarf að lesa! Var að æfa mig að taka krossapróf á Netinu. Úff, maður er ekki eins klár í þessu og þegar maður var 17. Prófið sjálf hér!

laugardagur til....að fara í ökuskóla

Ég var að tala við hana Rebekku Ýr á MSN áðan. Já, það byrjar snemma hún er ekki nema 6 ára. Hvað ætli verði komið þegar hún verður orðin 23 ára? Það var svo fyndið að tala við hana. Ég var að spyrja út í hvað hún hefði verið að gera í dag. Flest svörin voru á þessa leið: já, nei, vel, gaman. Hún er algjört krútt.

Ég er komin með overdós af hemlabúnaði, stýrikerfum og dóti sem kemur að bílum. Ég skil heldur ekkert allt of mikið í þessu. Þá er bara um að gera að lesa aðeins meira og lesa betur og gera verkefni. Fer í skriflegt próf úr þessu á miðvikudaginn. Þá get ég byrjað að fara í ökutíma.

Var að setja inn myndir frá föstudagstjúttinu okkar þegar bekkurinn minn fór í sumarhús til að halda julefrokost. Værsgo!
Ég sakna krakkanna svo ógeðslega mikið. Ég get ekki beðið eftir að hitta þau í júní.

Ég elska Taggart. Þættirnir eru á topp 5 yfir bestu sjónvarpsþætti í heimi. Í kvöld var því popp, kók og Taggart með mömmu og pabba.

Ökuskóli í fyrramálið þar sem Bifreiðatækni I verður kláruð. Í kvöld lærði ég allt um stýrisbúnað, hjól og hjólbarða og hemla.

Góða helgi og góða nótt!

Ég er rúmföst

Ég fór í ræktina í gær og tók svona líka vel á að ég get varla hreyft mig. Ég þarf að kaupa mér skyr. Það læknar allar hassperrur! Stefnan er tekin á Nautilus eftir ökuskólann á morgun, újé!