Ég á.....

afmæli í dag, ég á afmæli í dag, ég á afmæli ég sjálf ég á afmæli í dag!

Á morgun...

...er fæðingadagur freslarans, þ.e. fæðingadagur minn.
Hélt partý á laugardaginn. Það heppnaðist vel. Takk kærlega fyrir mig, þetta var mjög skemmtilegt kvöld. Bollan heppnaðist vel og var mjög ljúffeng...kannski of? Er að henda inn myndum. Á leiðinni heim lenti ég í einhverjum ógeðisleigubílstjóra sem keyrði mjög skrýtna leið heim....en ég er heil og ekkert gerðist.

Í nótt svaf ég vel. Það var gott. Það er svoldið síðan sem ég hef hvílst svona vel. Ælti ég stækki eitthvað í nótt? Ég væri alveg til í 2-3 cm í viðbót.

Nú bíður maður bara eftir einkununum. Tvær komnar í hús. Alveg sátt við þær. Á eftir að fá úr út prófinu sem mér gekk verst í.

Nú eru allir að plana sumarið. Sumarið mitt verður ekki langt á Íslandi.
En planið er komið hér....
27. maí afmæli hjá Þórunni systir
28. maí útskrift hjá Sunnu frá LHÍ og stúdentsveisla hjá Völu Rún
3. júní afmæli hjá Habbý
4. júní laus...að mig minnir
10.júní laus
11.júní laus
17.-19.júní útilega
24.júní slappa af
25.júní útskrift
1. júlí laus, ætlaði í útilegu en stefnir allt í að ég þurfi að vinna
2. júlí laus, ætlaði í útilegu en stefnir allt í að ég þurfi að vinna
8. júlí laus
9. júlí laus
15.júlí Dagmar vorum við ekki eitthvað að plana þá?
16.júlí DJAMMDJAMMDJAMMDJAMM síðast helgin mín á Íslandi í 3 mánuði því ég fer út um 20. júlí

Ég held ég sé að gleyma einhverju. En það er alveg fullt laust. Jibbí! Ég er farin að skúra.

Þetta var súr póstur

Lakers

Boltinn er byrjaður...

...og það þýðir að það er Fótboltakvöld í kvöld.

Djammaði um helgina, það var stuð. Vorferð Mímis heppnaðist mjööög vel á laugardaginn.

Í dag hitti ég Mark Webber ökumann BMW Williams. Það var upptaka í myndveri RUV í dag, verður sýnt í Formúlukvöldi á miðvikudaginn kl. 22:20.

Ég er með hausverk. Ég var líka með hann í gær. Ég held að þetta sé spennufall. Er að vinna til ellefu/hálf tólf í kvöld. Kannski maður fari í sund í fyrramálið áður en maður fer í vinnuna.

Næstu helgi er svo Evróvision. Undirbúningur fyrir helgina er í fullum gangi.

ÉG ER BÚIN Í PRÓFUM, jiha!

já ég er búin í prófum og það er gaman. Fórum eftir prófið í dag í bjór og mat á stúdentakjallaran. Það var líka gaman.

Það gekk ágætlega í prófinu í dag fyrir utan eina spurningu sem enginn gat. Shit, hvað þar var leiðinlegt.

Mér gekk illa í prófinu á mánudaginn. Ekkert smá svekt þar sem ég var búin að læra í 102 daga fyrir það. En svona er lífið. Þetta voru umfram einingar þannig að ég ætla að reyna að fá að taka þær út.

En nóg að svona vitleysu, nú er bara sumarið og svo Danmörk, her kommer jeg.

Helgin er svo fullbókuð. Á morgun er sumarhátíð RUV. Langt síðan það hefur verið RUV djamm á Markhúsartorgi. Jibbí. Á laugardaginn er svo próflokadjamm Mímis. Sunnudagurinn verður tekinn í tjill og svo er ég að fara að vinna allan mánudaginn.

Ég ætla að fara að gera eitthvað sniðugt, jibbí!

Ég er á 100 degi að læra fyrir þetta blessaða Íslendingasögupróf. Prófið er á mánudaginn út í ÖSKJU! Hvað er það? Ég vil taka mín próf í mínum höfuðstöðvum í Árnagarði. Ég er búin að fá tvö áföll á nokkrum dögum og heldur það mér gangandi að læra fyrir þetta blessaða próf. Ég fékk frekar lélegar einkunnir fyrir verkefnin í Íslendingasögunum. Þar af leiðandi hef ég komist endanlega að því að bókmenntir eru ekki alveg fyrir mig. Ég ætla samt einhvertíman að klára B.A. gráðuna í íslensku. Ég er meira fyrir verklegt....það er einmitt það sem ég er að fara að gera næstu 4 árin, jibbí!

Ég á afmæli eftir 17 daga og í tilefni þess verður partý hjá mér 21. maí. Ég hélt einmitt partý síðast þegar Selma keppti, ég held að ég sé happa. Það eru líka ýmsir aðrir atburðir sem gerðust í þessu partýi en verða ekki settir á þetta blogg. Mig langar í Trabant diskinn í afmælisgjöf.

En það þýðir ekkert að hanga og blogga þegar hetjur og fræðimenn Íslendingasagnanna bíða.

Niður með raunveruleikasjónvarp og PDF skjöl!