Kýrhaus
Vinna vinna. Mér finnst alveg stórfurðulegt að þó ég sé að vinna þá á ég aldrei pening. Ég á heldur aldrei pening til að spara. Ég hef nú þegar ráðstafað öllum laununum mínum í að borga VISA, af bílnum o.þ.h. Þennan mánuðinn lifi ég því eins og versti námsmaður...eða ætti ég að segja versti ríkisstarfsmaður?
Annars nældi ég mér í miða til DK fyrir 12.000 kall. Ekki slæmt það. Ég fer út 18. mars og kem heim 3. apríl. Ég er að fara að taka þátt í samvinnu milli skólans míns og skóla í St. Pétursborg. Rússarnir koma til Viborgar núna og við förum til Rússlands í júní. Ég hlakka mjög mikið til að taka þátt í þessu en því miður missi ég af Hróaskeldu. Komum reyndar heim frá Rússlandi 2. júlí, spurning hvort maður nái sunnudagskvöldinu. Hvernig litist ykkur á að ég kæmi heim með einn Rússa? Rúski Karamba. Mamma var nú ekkert hrifin af því í vetur þegar ég var að stríða henni og spurði hvort það væri ekki í lagi að koma með einn Grænlending heim. Hvað ætli hún segi um Rússa?
Ég og Hildur stofnuðum félag um daginn og ber það skammstöfunina KKK. Það átti að standa fyrir KynlausarKarríerKonur en ég hef ákveðið að breyta því í KarllausarKarríerKonur. Við erum ekkert kynlausar þó að við eigum ekki einhvern kall.
Spurning sem ég hef pælt í og margar aðrar á mínum aldri:
Á ég einhvertíman eftir að ná mér í karl?
Ég held ég hafi smitast að ákvarðanafælni. Árshátíð Mímis er á föstudaginn. Ég veit ekki hvort ég ætli að fara því ég er að vinna til kl. 19 og húsið opnar á sama tíma. Það er erfitt að vera ég.
<< Home