með holur í buxunum!

Mín ástkæra íslenska er orðin frekar dönskuskotin. Mér þykir það leitt. Í dag sagði ég eitthvað sem var bein þýðing frá dönsku og þegar ég ætlaði að verja mig, því ég hef fengið komment um að ég líti ekki tæknimannslega út, sagði ég að ég ætlaði ekki að ganga í buxum með holum!

Annars er bara lítið að frétta. Er búin að vera að vinna og sofa. Í gær sofnaði ég um hálf níu. Vaknaði um hálf sex í morgun og fór í náttfötin. Þegar ég kom heim úr vinnunni í dag fór ég upp í rúm að lesa og steiiiiin sofnaði. Eftir matinn ætlaði ég að halda lestri mínum áfram en það vildi bara svo til að ég steiiiinsofanði aftur. Ég sem var búin að hringja í Evu fyrr í dag og var komin með plan um að gera eitthvað.

Í nótt dreymdi mig að ég hefði komist í aðallið Man. Utd. Ég fór á kostum á einu æfingunni áður en ég var í byrjunarliðinu í einhverjum leik. Viti menn, ég skoraði líka þetta flotta mark! Mér finnst mjög skrýtið að hafa dreymt þetta þar sem ég hef ekki fylgst með enska boltanum í hálft ár og þar sem ég held með Arsenal. Það hefði verið nærri lagi ef ég hefði verið að spila með Arsenal. Í fyrri kríunni minni í kvöld dreymdi mig svo að ég var að segja einhverjum frá því að ég hefði verið að spila þennan leik og að ég skoraði. Þvílík endemis vitleysa!

Ég kíkti aðeins á djammið á annan í jólum. Ég hef nú alveg skemmt mér betur en fólkið á vettvangi var auðvitað bara eðalfólk. Það var því ekki fólkið sem mér fannst leiðinlegt. Ég er bara ekki komin inn í íslenska djammið og ég er heldur ekki viss um að ég vilji það. Raðir og troðningur út um allt og almennt mjög mikið fyllerí á fólki. Það er svo kósí í DK að fara í heimapartý og vera bara þar. Ef maður fer í bæinn fer maður á einn stað og er þar allt kvöldið. Raðirnar eru heldur ekki troðningur og VIP! Æi kannski er þetta bara smá Danmerkurþrá. Sjáum til á næsta djammi þá þarf ég heldur ekki að fara að vinna daginn eftir. Hvert er annars planið fyrir áramótin?