restin...
jæja, þá er kannski spurning hvort að maður klári Færeyjarsöguna.
Humm.
Miðvikudagur 23. febrúar
Fórum á Fróðskaparsetrið og hittum hinn mesta nýyrðasmið Færeyinga, man reyndar ekki alveg hvað hann heitir í augnablikinu. Það var stuð!
Eftir hádegi fórum við um gamla bæ Þórshafnar með íslenskri leiðsögn. Það var mjög áhugavert og gaman að sjá. Við elduðum svo saman á Fróðskaparsetrinu. Þar voru margir skemmtilegar samkvæmisleikir í gangi. Við kíktum svo á djass tónleika á bar einum. Það var svaka stemmning og það vissu allir að íslenska krúið var mætt.
Fimmtudagur 24. febrúar
Fólk ræst á fætur eldsnemma til að fara á fyrirlestur um færeysk mannanöfn. Fyrirlesturinn hjá kennaranum var í rólegri og hægari kanntinum. Fólk var frekar sifjað. Eftir fyrirlestur kennarans fengu Bjarki, Lena og Kendra lítinn tíma til að fjalla um sitt efni.Eftir hádegi fórum við í Kirkjubæ og í Götu, þar sem Eivör á heima. Það var líka stuð. Þegar leið á kvöldið fórum við í heimsókn til íslenskrar konu sem heitir Kata og er grunnskólakennari. Hún og færeyski maðurinn hennar buðu okkur upp á skerpukjöt og tilheyrandi. Í kvöldmatinn var svo færeysk hæna, mjög gott. Líkt kjúklingakjöti en aðeins þéttara. Við fengum svo heimalagaðan ís í eftirrétt. Eggin sem notuð voru í ísinn voru úr hænunni sem við átum! Dönsk kona sem reykir vindla og á húsið sem Kata og maðurinn hennar búa í (hún býr þar líka) fræddi okkur um veiðar á grind. Ég væri alveg til í að vera í Færeyjum þegar það kemur grind. Um ellefu hálf tólf var haldið til Þórshafnar. Við slóum svo upp bryggjuballi, það var tjútt.
Jæja, þá er sagan komin.
Ég verð að viðurkenna einn svakalega glæp. Ég er að horfa á Idol. jakk raunveruleikasjónvarp! (og pdf skjöl, heheh. En það er víst ekkert annað að hægt að glápa á á föstudagskvöldi. Ég ætti náttúrulega að setjast niður og klára Eyrbyggju. En er föstudagskvöld tíminn til þess?
<< Home