Páskafrí
mikið er gott að vera í fríi og gera ekkert annað en að lesa og læra. Reyndar væri alveg skemmtilegra að vera t.d. í útlöndum en maður getur ekki gert allt.
Fór í gær á tjútt. Byrjaði kvöldið á að hitta Færeyjarfarana og rifja upp ferðina. Horfðum á video sem Óli tók upp í ferðinni. Ó mæ god, bara fyllerí og vitleysa. En mjög fyndið. Gaman að heyra hóstaköstin í mér og röddin mín var yndisfögur. Hitti svo Guðmundu, Kristínu Tómas og fleira gott fólk. Fínt djamm. En það hefur líka sínar afleiðingar sem eru að ég er ekkert búin að gera í dag nema hanga og jú gera læriplan fyrir páskana. Svo er bara að vona að planið haldist.
Ég er búin að setja inn myndir á Netið (sjá tengla). Er reyndar í einhverju veseni með að opna diskana með myndum frá Færeyjum en þær koma von bráðar. Nú er bloggið mitt að verða keppnis. Er með nokkrar fleiri hugmyndir hvernig ég get get það enn betra. Fyrsta skrefið er kannski að blogga meira.
Eins og hefur örugglega ekki farið fram hjá ykkur þá er Bobby Fischer kominn til landsins. Ég bíð bara eftir að bandaríska leyniþjónustan mæti á Frónið og ræni honum. Ætli 24. mars verið The Fischer day í framtíðinni þar sem íslenska þjóðin heldur upp á þennan líka ómerkilega atburð? Fólk hittist og borðar kalkún og gefur gjafir sem minna á Fischer. Taflsett verður til á hverju heimili og á þessum degi um stórfjölskyldan hittast og tefla. Fólk kaupir Fischers taflið sem verður frekar hallærislegt eftir 10 ár, eins og bláa fótanuddtækið sem er eða var til á öllum heimilum. Reyndar var það ekki til á mínu heimili fyrr en fyrir um viku síðan þegar búslóðinni hennar ömmu var skipt. Mamma tók bláa fótanuddtækið handa mér. Þarf bara að skipta um kló. Eftir það verð ég örugglega ekki viðræðuhæf nema minnast á bláa fótanuddtækið.
Annars er það helst að frétta að ég er farin að plana afmælis- og júróvisionpartý. Ef einhver á skjávarpa, eða getur reddað einum, þá endilega látið mig vita. Hvað segið þið um júróvision á risatjaldi?
<< Home