&%/$#

já ég er búin að finna helvíti á jörðu. Sá staður kallast Bókhlaðan. Ég nenni alls ekki að vera hér en ég fer sko ekki héðan fyrr en ég er búin með þessa blessuðuð dönskugrein!

Ég held ég þurfi að fara í jóga eða allavegana að hreyfa mig svo ég þreytist eitthvað. Ætlaði aldrei að sofna í gær. Endaði með því að um kl. 2 í nótt fór ég fram í eldhús sauð mér vatn og setti í gamaldags hitapoka. Eftir að hafa kúrað með honum í nokkrar mínútur náði ég að slaka á og sofna. En erfiðið var sko ekki búið. Það var líka erfitt að drullast á lappir, seint og um síðir. En nú er ég hingað komin og er að reyna að læra. Ég sökkti mér oní krak.dk til að sjá hvar í Köben leigubílstjórinn var myrtur. Ég held það skilji fáir í þessari forvitni minni nema kannski Guðmunda. Annars er þetta ekki forvitni heldur afsökun til að vera ekki að skrifa þessa grein á dönsku. Þarna las ég fullt af dönskum götuheitum. Það getur kannski einhvertíman komið sér vel.

Ég er að fara í próf á morgun. Á að greina texta annað hvort út Eyrbyggju eða Njálu. Ég get ekki sagt að ég hafi verið öflug í lesningu greina tengdum sögunum. Ætli maður renni ekki bara yfir glósurnar í kvöld og sjái svo hvað gerist. Annars get ég skemmt ykkur með þeim fróðleik sem ég á eftir að gera til að klára þennan skóla: á morgun, fimmtudag: tímaverkefni í Íslendingasögum, föstud. skil á grein í dönsku og föstud. þar á eftir á ég að fjalla um hvað ég skrifaði. Ég á eftir að lesa eina bók í Nútímabókmenntunum og fara svo í munnlegt próf úr þeim bókum sem ég er búin að lesa í vetur. Þar þarf ég t.d. að fjalla um súrrealisman í bókunum, úff! Nú, í íslendingasögunum á ég eftir að lesa Króka-Refssögu sem er víst bara stutt en það eru einhverjar greinar sem fylgja henni. Fyrir lokaprófið þarf ég að vera búin að lesa Njálu aftur því það er svo langt síðan ég las hana og helst að renna yfir Eyrbyggju aftur. Ég þarf svo að rifja allt upp í Setninga- og merkingafræðinni og komast að því hver djúpgerð setninga er!

Þar hafið þið það. Ég vona að þið sofið vel í nótt eftir að hafa lesið þessa vitleysu.

Kannski ég fara bara að klára þessu mjög svo grunnþenkjandi dönskugrein sem ég er að þykjast skrifa. Þá hef ég meiri tíma fyrir Íslendingasögurnar.

Lakers