Komin heim

Jæja þá er ég komin heim á Frón, ég mundi ekki alveg kalla landið mitt Frón í dag því núna kl. 9 er 14 stiga hiti! Geri aðrir betur.

Nokkur fréttaskot sem mér finnst vert að athuga:
- S1 ætlar að senda út leiki með ENSKUM þul, shit hvað ég er mikið á móti því, nóg er um ensk áhrif í okkar yndislega máli.
- Brasilía tapaði fyrir Paragvæ 1-2 í riðlakeppni S-Ameríkukeppninnar í knattspyrnu. Hehe mér finnst það fyndið.
- Gerið ykkur klár fyrir Hróaskeldu 2005 en hún verður haldin 30.júní- 3.júlí. Jibbí! Gussa, Agla og Hrefna eigum við að stefna að skipulagsfundi í febrúar?

Annars hef ég ákveðið að taka ferðasöguna í nokkrum hlutum. Ég nenni ekki að skrifa 12 daga ferðasögu á einum degi.

Miðvikudagurinn 30.júní
Leiðin út
Vaknaði mjög snemma og var mjög þreytt í fluginu. Ég var það þreytt að ég svaf í take offinu (hef aldrei gert það áður), svaf þegar ég borðaði yndislegu eggjarhræruna sem var í morgunmat og vaknaði ekki fyrr en freyjan bað mig um að reysa sætisbakið upp fyrir lendingu. Ég kom því úthvíld til stelpnanna. Hrefna tók á móti mér á Nörreport og við drösluðum dótinu upp ógeðslega stigann á Nörrebrogade 50. Best að taka það fram að ég var með 14 kg í yfirvigt en var það heppin að ungur strákur tékkaði mig inn og ég brosti bara sakleysilega þegar ég sá kílófjöldan. Skilaboðin sem ég fékk frá honum var að muna að næst þegar ég færi út þá mætti ég bara vera með 20 kg! En allavegana, eftir líkamsrækt þessa dags fórum við í bæinn að hitta Björt og Gussu. Markmið dagsins var að finna stígvél og það var sko ekkert auðvelt. En að lokum fundust þau og við allar fórum sáttar heim. Um kvöldið var djammað, upphitun fyrir hátíðina. Það var rosa fjör, ég er samt farin að rugla saman öllum djömmunum sem tekin voru.

Fyrir þá sem ekki hafa tekið eftir því en þá er ég farin að Mblogga. Ég keypti mér líka þennan flotta síma á leiðinni heim. Kannski að myndum fjölgi þegar nær dregur helgi.

Hvert er svo planið fyrir Verslunarmannahelgina?