ég ældi næstum því sjálf............

enn einn staðurinn er kominn á svarta lista skemmtistaða, Vegamót!  Hann ásamt Felix verma fyrstu sæti þessa lista.  Vegamót komst á þennan lista eftir mjög svo óskemmtilegt atvik sem ég lennti í á laugardaginn.  Ég var á barnum uppi að panta mér drykk og legg framhandlegginn á barborðið.  Eftir um hálfa mínútu finn ég að ermin á jakkanum mínum er blaut.  Ég lít á jakkan og er þá bara ekki þessi ógeðslega æla á honum.  Þá ældi ég næstum því sjálf.  Ég læt bargelluna vita að það sé æla á barnum og hún segir kæruleysislega: æi já það ældi einhver á barinn áðan!  Hugsið ykkur viðbjóðinn.  Ég lét hana því kurteislega vita að það væri ennþá æla á borðinu því jakkinn minn væri allur út í ælu.  Haldiði að gellan hafi bara ekki sagt nei við mig.  Ég svaraði henni bara víst að það væri æla á borðinu.  Það var samt kannski meira að það hefði verið æla og ég þurrkað hana upp með elskulegum carhartt jakkanum mínum.  En annars var djamm helgarinnar skemmtilegt.   Þá er komið að næstu Hróaskeldu færslu: Fimmtudaginn 1.júlí Eftir góðan svefn var farið á fætur.  Hrefna og Gussa náðu í bíldrusluna til Roskilde.  Planið okkar rústaðist m.a. vegna þess hve þessi bíll var mikil drusla, fór ekki í gang o.s.fv.   En eftir mikla leit af gúmmístígvélum var lagt af stað (Það er sko ekkert grín að fá gúmmístígvél í Köbenhavn).  Þegar við mættum á tjaldsvæðið þar sem Helgi Páll og Gussa höfðu tjaldað tjaldi Helga og Hauks og Öglu kom það í ljós að aðeins himininn af tjaldi Hauks og Öglu var eftir.  Leit hófst því að nýjum stað til að tjalda á og eftir mjög langa göngu fundum við pláss á M-svæðinu, sem er mjög langt frá innganginum þar sem við komum inn.  En við tjölduðum á fínu svæði, engin drulla og GRAS, en það sást ekki mikið af því á svæðinu.  Ég tjaldaði mínu elskulega tjaldi og hlustaði á Korn.  Ég, Haukur og Agla náðum svo síðustu lögunum með Tim Christensen.  Það var mjög fyndin stemmning tónleikunum, allir Danirnir sungu með.  Ég keypti mér svo diskinn með kauða.  Eftir þetta var svo djammað, stuð stuð!   Ég veit ekki hvort þið voruð búin að frétta en ég og Gussa erum heimsfrægar í Danmörku.  Það var sýndur einhver þáttur frá festivalinu (hvernig var hann annars?)  og í auglýsingatreilernum er ég að pissa og Gussa að standa fyrir.  Mig langar til að sjá þetta.......en samt ekki!