9,5/10

Þessi dagur er ekki mánudagur heldur mygludagur, shit marr! Ekki mikið að gera í vinnunni heldur.
Helgin fær 9,5 af 10 mögulegum, shit hvað hún var skemmtileg. � föstudaginn bauð ég stelpnum í afmælismat. Gussa kom sem leynigestur. Svo komu góðir vinir í heimsókn til að fagna með mér öllum þessum árum sem ég hef lifað.
Laugardagurinn byrjaði á landsleik, �sland-Danmörk í kvennahandboltanum, ágætur leikur. Svo fór ég í Hafnarhúsið og sá tískusýningu hjá fatahönnunarnemum í Listaháskólanum. Sunna var með föt. Flott marr. Ég fór svo með Evu í geggjað partý með gamla bekknum hennar. Evróvisionleikurinn var mjög skemmtilegur. Allir settu 500 kall í pott og drógu land. Ef landið manns vann fékk maður pottinn. Ég vann ekki. Eva dró Noreg fyrir mig og var ég því í síðasta sæti. En ég get huggað mig við máltakið óheppin í spilum heppin í ástum. Eftir keppnina var mikið tjúttað. Ég held að ég hafi bara aldrei dansað svona mikið. Við fórum svo í bæinn, Kaffibarinn, Vegamót, sem var rafmagnslaus og Prikið. Ég og Gussa fengum okkur svo mjög góða pulsu á Selct á leiðinni heim en þá var klukkan orðin mjög margt.
Sunnudagurinn var rólegur. Helgarsport og fótboltakvöld. Alltaf gaman í vinnunni!

Jæja, best að athuga enn einu sinni hvort ég sé búin að fá einhverja einkunn. Ég er að verða brjáluð á því hvað þetta tekur langan tíma hjá þessum blessuðum kennurum!