Uppáhalds staðurinn minn.....Kaffibarinn!

Ég var örugglega ekki sú eina sem grenjaði úr hlátri þegar Hilmir Snær (ef ég man rétt) lék artífartí týpu sem stundaði Kaffibarinn í Fóstbræðrum. Verst er að ég á alla þættina á videospólum en núna er bara til DVD spilari á mínu heimili.

Laugardagsdjammið var fínt. Fór á Reunionið. Það var mjög fínt. Mætingin var ekkert alltof góð en það var fámennt en góðmennt. Ótrúlega gaman að heyra hvað allir eru að gera núna og hvað þeir hafa verið að gera. � leiðinni niðrí bæ sóttum við Evu. Ég dró hana með mér á Sólon þar sem krakkarnir fóru. Við vorum fljótar að koma okkur út. Kíktum aðeins á Prikið. Það er svo misjöfn stemmningin þarna. Partýið byrjar yfirleitt ekki fyrr en klukkan þrjú ef það byrjar á annað borð. Við fórum því á Kaffibarinn og hittum Sunnu. Það var massa fílingur á Kaffibarnum. Ég og Eva fórum svo heim um hálf fimm. Gaman!

Ég fór í fermingarveislu í dag. Það var ekkert smá gott veisluborðið. Brauð og álegg, grænmetispæ, brauðtertur og nokkrar kökur. Svo var auðvitað fermingarterta með tilheyrandi marsipani og rjóma. Þar sem ég borða ekki rjóma þá smakkaði ég hana ekki en borðaði þeim mun meira af grænmetispæi.

Skólinn er að verða búinn! Það er bara næsta vika og svo mánudagur og þriðjudagur. Svo er ég farin út, jibbí! Þessi önn er búin að líða svo hratt að ég get endalaust tönglast á því. � þessari viku ætla ég að klára dagbókina, á 26 færslur eftir. Ég ætla alla vegana að skila henni áður en ég fer út. Nenni ekki að vera með hana á bakinu í paskefríinu. Svo ætla ég að klára MTV þýðinguna mína. Nenni heldur ekki að taka hana með mér út. � fimmtudaginn er lokaverkefnið í Meðferð talaðs máls. Þarf að finna eitthvað til að segja frá og skrifa erindi/ræðu. Hugmyndir vel þegnar.

Þessi vika verður massa vika!