fangar?????

Ég rakst á þetta bréf á málefni.com undirritað af Atla Helgasyni. Þetta bréf var skrifað í kjölfarið á einhverju máli um fríðindi fangavarða.
"Fríðindi fanga og fangavarða á Litla-Hrauni
� Dagskránni nú nýverið var fjallað um fríðindi fanga og fangavarða á Litla-Hrauni. Þar voru talin upp fríðindi sem fangar njóta á sama tíma og fríðindi fangavarða hafa verið afnumin. Rætt var við Ara Thorarensen, formann fangavarðafélagsins. �n þess að móðga nokkurn langar mig til að benda á að það sem greinin
stutta sagði í raun var að fangar á Litla-Hrauni fengju hluta af þeim sjálfsögðu nauðsynjum sem tilheyra lífi allra manna en fangaverðir hefðu glatað sundkortum sínum. Ég átta mig ekki alveg á því hvernig það geta talist fríðindi að fangar fái að hringja stutt símtöl, horfa á sjónvarp, pikka á tölvu, stunda lágmarks líkamsrækt eða sækja skóla. Þetta þykir einfaldlega sjálfsagt og nauðsynlegt hvar sem er. � greininni er minnst á góða líkamsræktaraðstöðu fanga á Litla-Hrauni í sama mund og haldið er fram að fangaverðir hafi engin tækifæri til hreyfingar. Það er einfaldlega ekki rétt. Ósagt er látið að fangaverðir hafa eigin líkamsræktaraðstöðu í
fangelsinu og afnot af sama íþróttahúsi og fangar, allt þeim að kostnaðarlausu. Verðirnir hafa þó miklu rýmri tíma sem þeir samt nýta lítið sem ekkert. Fangaverðir verja ekki lífinu í fangelsinu. Sumir vinna hefðbundinn átta stunda vinnudag, fimm daga vikunnar, rétt eins og venjulegt fólk. Aðrir vinna á vöktum þar sem skiptast á þrír vinnudaga og þrír frídagar. Fangar eyða öllum sólarhringnum í fangelsinu, alla daga vikunnar. Þeir fá eina og hálfa klst. til útivistar á hverjum degi sem ætluð er til hreyfingar, sjoppuferða, þvagprófana og ýmissa annarra erinda. Þeir fangar sem ekki fá vinnu eru læstir inni nær allan sólarhringinn, utan útivista, rúmlega tíu klst. einir inni á klefa og tæplega tólf klst. inni á gangi. Það gera rúmlega 90% fangavistarinnar. Eitt símtæki er fyrir hverja ellefu fanga sem skipta á milli sín sjö og hálfrar klst. símatíma á hverjum virkum degi sem þeir greiða fyrir sjálfir. Almennt er fólkið þeirra heima á kvöldin. � inniverunni fá fangar að horfa á sjónvarpið en stöðvarnar eru ekki 12 heldur 9. Þar af greiða fangar sjálfir fyrir eina vídeórás og erlendar rásir eru til staðar vegna útlenskra fanga. Hin svokölluðu fríðindi fanga eru engin fríðindi. � eðli sínu felur fangavist í sér frelsisskerðingu, ekkert meira en það. Tilgangur hennar er hvorki að svipta menn vonum, virðingu, heilbrigði eða lágmarks lífsviðurværi. Það sem er almennt og eðlilegt teljast ekkert endilega fríðindi í fangelsi. Ég er þó viss um að flestir fangar á Litla-Hrauni gæfu glaðir eftir tól sín og tæki ásamt öðru til að fá tækifæri til að verja tíma með fjölskyldum sínum, börnum, eiginkonum, mæðrum, systkinum og vinum við eðlilegar aðstæður. Þeir gæfu mikið fyrir tækifæri til betrunar í stað þess að verja fangavistinni í fullkomnu tilgangsleysi. Fangaverðir heyja kjarabaráttu rétt eins og margir aðrir. Sú barátta hefur hins vegar ekkert með hin svokölluðu fríðindi fanga að gera. Kjör fanga og fangavarða verða aldrei borin saman og kjarabarátta fangavarða skilar sér ekki með því að benda á aðbúnað fanga. Slíkt er fjarstæða.
Atli Helgason,lögfræðingur."
� nútíma þjóðfélagi er ekki lengur talað um fangelsi sem refsingarstofnun heldur afplánunarstöð. Ég fór að hugsa: Atli Helgason talar um sjonvarpsstöðvar og fleira sem fangar hafa aðgang að. Er það bara ekki nóg fyrir fanga? Fangar eru í fangelsi til að taka út refsingu ekki til að gista á lúxushóteli! Almenningur veit að ef einhver brýtur af sér fer hann í fangelsi og fær ekki að valsa inn og út og chilla með hverjum sem er!