Helgin sem leið

ég er að verða löt að blogga, verð að herða mig. Mér sjálfri finnst leiðinlegt að fara á blogg sem eru sjaldan uppfærð.
Helgin var fín. Vann reyndar alltof mikið og er núna að drepast í bakinu eftir að hafa staðið á bakkanum í Sundhöll Reykjavíkur alla helgina. � föstudaginn vann ég á RUV um morguninn, fór í skólann og heim í 30 mín, þá fór ég í Sundhöllina. Laugardagurinn var tekin snemma. Ég vaknaði klukkan 7 en eins og á föstudeginum þá fór ég á sundmótið. Svo skrapp ég í útsendingu á bikarúrslitaleik kvenna, �BV-Haukar. Fyrir ykkur sem sáu ekki leikinn þá unnu �BV stelpurnar. Eftir útsendinguna fór ég aftur í höllina. Elín Birna bauð svo í afmælismatarboð um kvöldið. Nammi namm góður matur. Takk fyrir mig. Ég lærði líka að borða með prjónum. Þó að ég segi sjálf frá þá er ég orðin bara nokkuð góð! Svo fékk fólkið sér smá bjór og við fórum í drykkjuleik. Við ætluðum að byrja á einhverjum góðum kokteilstað niðrí bæ en það var búið að loka þeim öllum. Við fórum þá bara á Prikið. Það var fínt. Var bara spilað rokk, ágætis rokk samt, meðan við vorum þarna. En mér finnst að Prikið ætti að halda sig við hiphop tónlistina. Við (ég, saga, eva og sunna) fórum svo í röðina á Kaffibarinn. Eftir ógeðslegan troðning og dópista ógeð sem ég hélt að ætlaði að drepa mig ákváðum ég og saga að gefast upp á röðinni og fara bara aftur á Prikið. Það var gaman og þá var líka rétta tónlistin komin á fóninn. � dag vaknaði ég og fór á Sundmót, gamangaman.
Vikan leggst annars bara vel í mig. Ég ætla að fara að byrja á árshátíðarkjólnum í vikunni. Næstu helgi verður maður í sínu fínasta á árshátíðunum tveim sem ég er að fara á. GamanGaman.
Best að ég fari að læra eitthvað, ekkert búin að læra alla helgina. Það er lýgilegt hvað það er stutt eftir af skólanum, ég er búin 6.apríl! shit marr