Sól og sumar

Já, það er komið sumar í Danaveldi. Ég sat úti í 3 tíma í gær í sumarkjól og sandölum. Ég fékk smá lit, júhú, en brenndist líka aðeins á bringunni. Ég var alveg búin að gleyma hvernig það er að sitja úti og lesa Cosmopolitan i sólinni og hafa ekki áhyggjur af neinu.

Annars gengur lífið hér í Viborg bara sinn vanagang. Vorum að læra ljós í vikunni. Það var gaman. Reyndar fannst mér við fá of mörg verkefni á dag þannig að maður gat stundum ekkert prófað sig áfram. Meðfylgjandi mynd er af brunasárinu mínu sem mér tókst að næla mér í á mánudaginn. Ég veit vel að ljósin verða ógeðslega heit og maður á að nota hanska. En ég þurfti að læra það the hard vei!

Í síðustu viku lærðum við hljóð. Það er hægara sagt en gert. Ég skil alveg teoriuna en að koma henni frá mér á einhverju tungumáli er annað mál. Á föstudeginum fórum við svo í próf í 2 klukkutíma. Við máttum hafa glósurnar með okkur. Úff, ég náði ekki að klára og gat ekki heldur svarað öllum spurningunum því ég gat ekki komið svarinu á blað. En verkefni morgundagsins er einmitt að koma þessum upplýsingum yfir á skiljanlega dönsku.

Í næstu viku tökum við upp smá innslag sem tengist visual storytelling námskeiðinu okkar. Minn hópur (ég, Janus og Ben) gerum innslag um nýja björgunarþyrlu. Mjög spennandi viðfangsefni. Við vitum ekki ennþá hvort við fáum að fara í smá flug en það er bara plús. Shit hvað það væri geggjað!

Ég er búin að fara tvisvar til KBH. Það er alltaf næs að fara þangað. Komast úr sveitinni og í menninguna. Stefni að því að fara aftur helgina 11.-13. maí. Annars er voða fínt að vera eina og eina helgi í Viborg. Það eru ekki margir hérna um helgar, aðallega Færeyingar og Grænlendingar. Grænlendingarnir eru alltaf fullir. Þeir búa í kofum sem eru við hliðina á skólaheimilinu. Áðan þegar ég skrapp í smá hjólatúr þá var svaka stuð í partýinu hjá þeim, gítarspil og söngur eins og í góðu partýi heima á Íslandi kl. 01 aðfaranótt sunnudags. Þegar ég kom heim þá var búið að brjóta rúðu og partýið aðeins (NB aðeins!) búið að róast.

Skelli einni mynd í viðbót inn. Við stelpurnar í bekknum fórum til Majbrit (Majbrit er með mér í bekk og býr í Holstebro) á miðvikudagskvöldið og höfðum það gott. Við elduðum góðan mat, kjöftuðum og horfðum á Desperate Housewives.

Mette, Majbrit, Rie og Diana

Sjálfboðið er góðum gesti

...var málshátturinn í ár. Páskaeggið í ár var að sögn mömmu síðasta páskaeggið sem ég fæ frá foreldrum mínum. Einhvernvegin efast ég um það, heheh!

Annars hefur páskafríið bara verið fínt. Það hefur reyndar kannski verið svo lítið langt. Það er erfitt fyrir vinnualka að taka sér 10 daga frí. Hvernig ætli 3 vikna sumarfríið mitt verði? Reyndar verslaði ég sumarföt í Hjørring. Maður verður að vera tilbúinn sumrinu. Ég drakk líka rauðvín og bjór og borðaði fullt af góðum mat hjá honum bróður mínum. Svo græddi ég fullt. Einn daginn fann ég 50 danskar krónur á gólfi í einni matvörubúð og í næstu matvörubúð sem ég fór í fann ég flöskukvittun upp á 23,5 danskar krónur (í DK fer maður með flöskurnar í matvörubúðina og fær kvittun sem maður getur svo borgað með). Næsta dag hafði einhver skilið eftir hjól á göngustígnum. Ég held að sá hinn sami hafi vitað af því að mig vantaði hjól. Reyndar er hjólið svo lítið beyglað en það fer til vinna minna í hjólabúðinni í Viborg á morgun.

Núna leiðist mér alveg svakalega. Ég er að pæla í að kíkja í glósurnar frá því síðast og undirbúa mig aðeins fyrir næstu vikur. Ég get í leiðinni prófað nýju sængina mína sem ástkærir foreldrar mínir gáfu litla barninu sínu svo því sé ekki kalt í landinu þar sem enginn tímir að kynda.

Það sem er á dagskrá á þessari skólaönn er ljós, hljóð (meira að segja stereo hljóð), frásagnartækni, að vinna með leikurum, meira hljóð og svo að sjálfsögðu digital og svokallað systemlære (TV-systemer, Videosignaler o.s.fv).

Læt fylgja með tvær myndir frá DK svona rétt í lokin. Fyrri myndin var tekin þegar við vorum að reyna að pakka í sídróinn hennar Díönu áður en við lögðum af stað til Viborgar. Það heppnaðist að koma öllum farangrinum fyrir, NB farangri 4 stelpan! Seinni myndin er tekin eftir fyrsta skóladaginn. Þá sátum við stelpurnar úti að spila jatsí. Seinni myndin er líka svo að þið gleymið ekki hvernig ég lít út, hehehe!

Danmörk og páskar

Já ég veit að ég skulda mörg blogg. En núna er ég í páskafríi og ætla að njóta þess í botn. Skólinn byrjar svo aftur á þriðjudaginn. Það var reyndar frekar tilgangslaust að koma í skólann í eina viku og svo beint í páskafrí. Þar að auki fór fyrsta vikan í að læra á AVID klippiforrit en ég er búin að vinna á það í meira en ár. Ég lærði því ekki mikið.

Gleðilega páska!